AM2
08-13-2007, 09:05 AM
عندما جلسا بجوار بعضهما شك كل منهما في الآخر, وأضمر في نفسه إن دار بينهما حديث ألا يصارح صاحبه باسمه.
سأل الأول الثاني: شكلك مش غريب عليا.. ممكن نتعرف؟, فأجابه الثاني: اسمي فاهم وسيادتك اسمك إيه؟ فرد عليه الأول: يا محاسن الصدف دا أنا اسمي شبه اسمك.. اسمي مش فاهم.
فاهم: صدفة سعيدة يا أخي.. إنت مش ملاحظ إن الجو حر قوي اليومين دول زي ما يكون الكلام بتاع ارتفاع درجة حرارة الأرض بسبب التلوث ده صحيح وأكيد علشان كده منعوا صناعة الأسمنت في أوروبا.
مش فاهم: ماهم جم اشتروا مصانع الأسمنت بتاعتنا.. وأنا مش فاهم إحنا بعنالهم ليه رغم إنها كانت فرصتنا نتحكم في حاجة ونرفع سعرها ونعوض فيضان البضايع اللي بيغرقونا بيه ليل نهار.
فاهم: دي فلسفة اقتصادية إحنا مش قدها, وأكيد أحنا كسبانين, وميغركشي إن سعر طن الأسمنت ارتفع من120 جنيه إلي360 جنيه يعني3 أضعاف لأن الأسمنت دلوقتي رخص وبقي بـ300 جنيه.
مش فاهم: كلامك غريب, وأنا مش فاهم هو كده الأسمنت يبقي غلي واللا رخص.. وكمان الحديد كان بألف جنيه وبعدين بقي بـ3600 جنيه ودلوقتي بقي بـ3400 جنيه هو كده رخص واللا غلي؟
فاهم: هو بصراحة غلي ورخص ومع ذلك لسه غالي!! ما تشغلشي دماغك ما قلتلك دي فلسفة اقتصادية إنت مش قدها.. وإن شاء الله الأمور تهدي زي كل مرة.
مش فاهم: يعني إيه زي كل مرة.. تقصد إيه؟!
فاهم: إنت مش ملاحظ إن كل شوية يظهر موضوع كبير والكل يتكلم عليه وبعدين يهدا ومنعرفشي هدي ليه ووصل لحد فين.
مش فاهم: فعلا يا أخي.. مثلا أنا قريت خبر في الجورنال إن إسرائيل بتحفر تحت المسجد الأقصي, والناس كلها والجرايد والراديو والتليفزيون وحتي في مجلس الشعب اتكلموا عن الموضوع ده والموضوع سخن قوي.. وبعدين حصلت هوجة كده علي برنامج هاله شو والبنات اللي عايشين في الحرام ومشيهم بطال ومع ذلك محدش بيحاسبهم ولا بيحاكمهم وبعدين البنات أنكروا وقالوا انضحك علينا.. والموضوع ده سخن قوي وجت فيه سيرة سمعة مصر وبعدين الموضوع هدي وبدأ الكل يتكلم في مواضيع تانية..
فاهم: صدق فعلا.. وأنا أخدت بالي
دلوقتي إن ده حصل في موضوع العبارة والشجرة المبروكة وسفاح المعادي ـ وأكياس الدم و.....
مش فاهم: لأ.. حاسب عندك.. أنا سمعت إن أكياس الدم طلعت براءة وسليمة100% وإن التلوث جه من دم المصريين اللي اتبرعوا.
فاهم ـ وهو يضحك: جديدة دي.. يا أخي أنا مش فاهم إحنا مصدعين دماغنا بالمواضيع دي كلها ليه ولا اللي قاعدين في مجلس الشعب.
مش فاهم ـ وهو يخرج يده من جيبه: والله معاك حق.. بلا وجع دماغ.. خدلك يا أخي شوية اللب والسوداني دول وقزقز واتسلي.
فاهم ومش فاهم!
هل هذا هو حالنا ! ؟:eek:
لا نهتم بأمرنا هكذا ........
إلي متي ؟؟؟؟؟؟؟؟؟؟؟:confused:
سأل الأول الثاني: شكلك مش غريب عليا.. ممكن نتعرف؟, فأجابه الثاني: اسمي فاهم وسيادتك اسمك إيه؟ فرد عليه الأول: يا محاسن الصدف دا أنا اسمي شبه اسمك.. اسمي مش فاهم.
فاهم: صدفة سعيدة يا أخي.. إنت مش ملاحظ إن الجو حر قوي اليومين دول زي ما يكون الكلام بتاع ارتفاع درجة حرارة الأرض بسبب التلوث ده صحيح وأكيد علشان كده منعوا صناعة الأسمنت في أوروبا.
مش فاهم: ماهم جم اشتروا مصانع الأسمنت بتاعتنا.. وأنا مش فاهم إحنا بعنالهم ليه رغم إنها كانت فرصتنا نتحكم في حاجة ونرفع سعرها ونعوض فيضان البضايع اللي بيغرقونا بيه ليل نهار.
فاهم: دي فلسفة اقتصادية إحنا مش قدها, وأكيد أحنا كسبانين, وميغركشي إن سعر طن الأسمنت ارتفع من120 جنيه إلي360 جنيه يعني3 أضعاف لأن الأسمنت دلوقتي رخص وبقي بـ300 جنيه.
مش فاهم: كلامك غريب, وأنا مش فاهم هو كده الأسمنت يبقي غلي واللا رخص.. وكمان الحديد كان بألف جنيه وبعدين بقي بـ3600 جنيه ودلوقتي بقي بـ3400 جنيه هو كده رخص واللا غلي؟
فاهم: هو بصراحة غلي ورخص ومع ذلك لسه غالي!! ما تشغلشي دماغك ما قلتلك دي فلسفة اقتصادية إنت مش قدها.. وإن شاء الله الأمور تهدي زي كل مرة.
مش فاهم: يعني إيه زي كل مرة.. تقصد إيه؟!
فاهم: إنت مش ملاحظ إن كل شوية يظهر موضوع كبير والكل يتكلم عليه وبعدين يهدا ومنعرفشي هدي ليه ووصل لحد فين.
مش فاهم: فعلا يا أخي.. مثلا أنا قريت خبر في الجورنال إن إسرائيل بتحفر تحت المسجد الأقصي, والناس كلها والجرايد والراديو والتليفزيون وحتي في مجلس الشعب اتكلموا عن الموضوع ده والموضوع سخن قوي.. وبعدين حصلت هوجة كده علي برنامج هاله شو والبنات اللي عايشين في الحرام ومشيهم بطال ومع ذلك محدش بيحاسبهم ولا بيحاكمهم وبعدين البنات أنكروا وقالوا انضحك علينا.. والموضوع ده سخن قوي وجت فيه سيرة سمعة مصر وبعدين الموضوع هدي وبدأ الكل يتكلم في مواضيع تانية..
فاهم: صدق فعلا.. وأنا أخدت بالي
دلوقتي إن ده حصل في موضوع العبارة والشجرة المبروكة وسفاح المعادي ـ وأكياس الدم و.....
مش فاهم: لأ.. حاسب عندك.. أنا سمعت إن أكياس الدم طلعت براءة وسليمة100% وإن التلوث جه من دم المصريين اللي اتبرعوا.
فاهم ـ وهو يضحك: جديدة دي.. يا أخي أنا مش فاهم إحنا مصدعين دماغنا بالمواضيع دي كلها ليه ولا اللي قاعدين في مجلس الشعب.
مش فاهم ـ وهو يخرج يده من جيبه: والله معاك حق.. بلا وجع دماغ.. خدلك يا أخي شوية اللب والسوداني دول وقزقز واتسلي.
فاهم ومش فاهم!
هل هذا هو حالنا ! ؟:eek:
لا نهتم بأمرنا هكذا ........
إلي متي ؟؟؟؟؟؟؟؟؟؟؟:confused: