'•·.·´¯`·.· • قـــــــرر الشيطــــــــان هجــــــــرة مصــــــر ؟! '•·.·´¯`·.· •

[cry_moon]

أخــــــــر نكـــــــــتة للمصرييـــــــن بتقول:



قرر الشيطان هجرة مصر؟


فبسرعه راحوله المصريين


وقالوله : أرجوك ماتمشيش هاتلاقي فين زينا كذابين ومنافقين وعاوزين يروحو النار؟


قالهم الشيطان : إنـتوا ماتستهلوش


الواحد منكم يجيني شحات وحافي أخليه يسرق عشان ياكل ويلبس

ويغش عشان يتخرج بامتياز

ويزوّر في الانتخابات ويرشي عشان يبقي عضو مجلس شعب وأول مايبقي

(ريّــــس)


ألاقييه معلق وراه


(( هذا من فضل ربي ))

[شاعرة الاسلام]

السلام عليكم

انتي بتضحكي علي بلدك يا خسارة الانتماء والولاء والبراء

لا لا متعودناش علي كده

ثانيا كل بلد فيها اللي مكفيها

لو انتي جدعة بقي خدي بادين الناس وابعدي عنهم الشيطان

مستنيين هجرة الشيطان بسببك بقي

[cry_moon]

السلام عليكم

انتي بتضحكي علي بلدك يا خسارة الانتماء والولاء والبراء

لا لا متعودناش علي كده

ثانيا كل بلد فيها اللي مكفيها

لو انتي جدعة بقي خدي بادين الناس وابعدي عنهم الشيطان

مستنيين هجرة الشيطان بسببك بقي

*********************************************


ثانيا كل بلد فيها اللي مكفيها




أولا : أعتقد ان هى دى الجملة الوحيدة الى كتبتيها يا اخت ( شاعرة الاسلام )

الى اتفق فيها معك ومن هذا المنطلق مفيش حد على وجهه الارض كامل

مش البشر بس لا الشعوب كلها شرق وغرب فى كل بقعة على الارض!



ثانيا: أنا موضوعى مجرد مزح او فكاهه او نكتة باللغة المصرية

يعنى موضوعى مش تصريــــــح رسمى نظمى

ولا هو سب فى بلدى ولا هو في النية شئ من هذا مجرد السخرية والمزح فقط!!



ثالثا: مش من حقك انك تزايدى على غيرك فى الانتماء والوطنية وتخلطى الاوراق

او الامور ببعضها!

شوفتينى قلت شئ بدعة ولا سر ولا محصلش على مر الازمان؟؟؟

ولا مثل الى بيتقال بقى بقلة وطنية حقيقى بالفعل على القنوات الاخبارية

ولا انتى مش معانا فى نفس البلد ؟؟؟

مبتشوفيش التصريحات الحقيقية على الجزيرة _ الصحف المصرية قومية ومستقلة وخاصة _

المنتديات على النت _ المدونات _ الخ الخ الخ

ولا على قناة الاوربيت الى هى مملوكة للسعودين اصلا !!

ولا قناة دريم الى ملك لاحمد بهجت رجل الاعمال المصرى !!

ولا على المحور الى مملوكة لمصريين !!

صح النوم يا ست الكل جى عليا فى حته نكته الغرض منها المرح او تخفيف اليوم

وتتكلمى عن الانتماء والوطنية ؟؟؟؟؟؟

يبقى بقى كل الى ذكرتهم فوق خوووووونة اكيد بكل معنى الكلمة ومعندهمش انتماء

ولازم ينكسفوا ويحطوا راسهم فى الرمل عشان مفيش الا مصر بس الا فيها فساد!!

وامريكا لا ؟؟؟؟ وانجلترا كلها شرفاء ؟؟؟؟ وغيرها من الدول الاوربية

يا ستى طالما انا وحشة ومعنديش انتماء للبلد

خليكى انتى الايجابية وحاربى الفساد والتزوير واطلعى اعرضى رأيك على القنوات الشرعية

كا مواطنة ايجابية انتى يا مصرية ؟؟؟؟؟؟ عشان نتعلم منك ونعرف الطريق منين ؟؟؟

بدل السخرية منى على الملاء كده فى الرد بالمشاركة!

ولا عشان انتى مشرفة فى المنتدى يحق لكى تهذبى الاعضاء وتفرضى رأيك عليهم؟

وتزايدى على حب الوطن ودرجة انتمائة عند غيرك ؟؟

ما هو دى بردة استخدام لسلطة مشرفة ( مصرية )

مروحناش بعيد عن استخدام المسؤلين هنا على المستوى الكبير بقى فى البلد ايه الفرق؟؟

أذا كان منتدى الى الانسان بيفرغ فيه كل افكاره او رأية بيجد الى يصادره ويحجر عليه

حتى فى التهريج والنكت يبقى لهم حق كل الحكام فى الى بيعملوة فى الشعوب على المستوى

الاكبر!!

لو كنتى عضوة اكيد كنتى حتتبعى اسلوب اخر فى عرض رايك على الاقل حيكون فى صيغة نصيحة

او حتى ح ترسلى رسالة لاختك فى الرسائل الخاصة مثلا!

او تتبعى حزب الصمت الى سبق وانعرض فى احدى مواضيع المنتدى هنا !

يقول الامام الشافعى :

فن النصيحة

تعمدني بنصحك في انفرادي ..... وجنبني النصيحة في الجماعة
فإن النصح بين الناس نوع ..... من التوبيخ لا أرضى استماعه
وإن خالفتني وعصيت قولي ..... فلا تجزع إذا لم تعط طاعه

وايضا يقول

لمن نعطي رأينا
فلا أنت محمود ولا الرأي نافعه ولا تعطين الرأي من لا يريده !!



اما جملتك تلك :


مستنيين هجرة الشيطان بسببك بقي

وقال الشافعي في فضل السكــوت :

وجدت سكوتي متجرا فلزمته ..... إذا لم أجد ربحا فلست بخاسر
وما الصمت إلا في الرجال متاجر ..... وتاجره يعلو على كل تاجر!!


متشكرين يا ست الكل يا بنت بلدى على حصة الادب ومحاضرة السخرية من عدم وجود الانتماء

واوعدك بعد كده حبقى افرغ اى كلام أكتبة فى ورقة لى وبعد ما اكتبة حقطعة افضل كثيررررررررررررر !!