إحـ ـذروا التقليـ ـد ( كشـ ـري + قرنبيـ ـط ) ,,,

[ضابط بحرية]

width=200 height=150



احم احم

بردوا بما اني طباخ ماهر

طبخت طبخة حلوة دسمة

وبما اني عزوبي

فكتر خيري طبعا

اني متحمس

صح

المهم

المسابقة النهاردة

هي ازاي بنعمل القرنبيط ( الزهرة )

والكشري

يلا هنشوف مين اللي نفسه حلو

ودي صورة طبختي

~
~
~
~
~
~
~
~
~
~
~

http://elhadife.org/up/uploads/images/elhadifeff2ed1208c.jpg

http://elhadife.org/up/uploads/images/elhadife7d56589f3e.jpg


من حق يا جماعة

بلاش حسد

ههههههههههه


وانتظروا المزيد من المفاجآت



•»|[ دمتم في حفــظ الله ورعايتة ]|«•

[امل اسكندريه]

لا والله تسلم الايادى
ده ممتاز خالص

بس بالنسبه لكشرى ناقصه مكرونه وشعريه وحمص شام وتقليه على الوش

وبجانبه الدقه الحمراء والثوم

هما فين ........

[ساراية]

الله على الأكلة الجميلة شكلها حلووو جدا
بس المضمووون الله أعلم
لكن ما أعرف الكشري ؟؟؟
يسعدني التعرف على طريقة عمله
وبالنسبة للقرنبيط ( الزهرة ) ممكن أشارك بمعلومة
نحن في الجزائر نسميها (الشيفلور) وهي مترجمة من الفرنساوي chou-fleur
وفيها كلمة زهرة (fleur)
في انتظاركم

[امل اسكندريه]

ولاننى الحب الكشر موووووووت واعرف اعمله طبعا

اليك

طريقة عمل الكشري المصري

http://news.bdr130.net/newspics/517221.jpg


المقادير :

- 1كوب عدس اسمر
-1كوب أرز مصرى
- 5 بصلات مقطعة حلقات
-3حبات طماطم
- ملعقة صلصة
-معكرونة مسلوقة
-ثوم
-ثلث فنجان خل أبيض
-فلفل حار أو رومى
-حمص مسلوق


طريقة التحضير :

- أولاً : تحضير الصلصه -

* نقوم بدق فصوص الثوم مع الفلفل ويحمر فى كميه مناسبه من الزيت
* نقوم بعصر الطماطم و توضع على الثوم مع ملعقة من الصلصة
* يوضع عليهم الخل و الملح و الفلفل و يترك على نار هادئة حتى تتسبك ( تصبح ثقيله ومتماسكه ) .

ثانياً : تحضير الكشري -

* يسلق العدس نصف سليق
* يحمر البصل فى الزيت حتى يصبح لونه بنيا
* يوضع الارز المغسول على الزيت و معه العدس و يقلبان ويوضع عليهم الملح و يغطى بالماء و يترك لينضج
* تشوح المعكرونة فى قليل من الزيت مع الملح و الفلفل الاسود قبل عملية التقديم مباشرة .

ثالثاً : طريقة الدقه

الدقه هي توابل تضاف على الكشري وتعطيه طعم مميز .

* يدق خمسة فصوص من الثوم .
* نضيف عصير ليمون بمقدار ليمونتين تقريباً .
* نضيف خل و ملح و كمون و فلفل أسود
* تخلط جميع المقادير السابقه جيداً ببعضها البعض .

لا ننسى أن طريقة التقديم لها عامل كبير .. نضع المكرونه ثم الأرز ثم العدس الأسمر ثم بعض حلقات البصل حسب الرغبه ثم

الحمص وعليها الصلصه ثم الدقه .

وبالهنا والشفا

[ضابط بحرية]

نورتي اختي ساراية الموضوع

ومتخفيش المضمون روعة

ده انا ضابط بحرية

ويسلموا على اضافتك

وبالهنا والشفا دايما يارب



- - -


اخت امل

ايييييييييييييييييييييييييييه

حاااااااااااااااااااااااااسبي

ده كشري عدس اصفر

مش كشري مصري !!

ايييييييييييييييييييييييييييه

تاخدي نظارتي

ههههههههههههههههه

يسلموا عالشرح

بس اشرحي الكشري العدس

لأختنا ساراية

[ساراية]

ده كشري عدس اصفر

مش كشري مصري !!

لا البصل والحمص الذي ذكرته أمل في الطريقة غطى كل شيء يعني الباقي هو من تحت

[امل اسكندريه]

نورتي اختي ساراية الموضوع

ومتخفيش المضمون روعة

ده انا ضابط بحرية

ويسلموا على اضافتك

وبالهنا والشفا دايما يارب



- - -


اخت امل

ايييييييييييييييييييييييييييه

حاااااااااااااااااااااااااسبي

ده كشري عدس اصفر

مش كشري مصري !!

ايييييييييييييييييييييييييييه

تاخدي نظارتي

ههههههههههههههههه

يسلموا عالشرح

بس اشرحي الكشري العدس

لأختنا ساراية

ولا يهمك

يمكنك استبدال العدس الاسمر ( يسمى العدس ابو جبه ) استبدله بالعدس الاصفر وهنا لاداعى لسلقه فهو ياخذ سوى الارز معا ..

والف هنا

[( زهرة فلسطين )]

:300:

حلو كتير يسلمو الايادي ..
ونحنا بنسمي الكشري

مجدرة (( بالفلسطيني طبعا ))

وهي رز وعدس اسمر وشرائح بصل محمرة من فوق

بالهنا والشفا ..

اخي محمد اقترح عليك تعمل موضوع واحد وتضم فيه كل اكلاتك ..

وبكرة اعملك كتاب (( الشيف ضابط )) :28:

[انسانة وخلاص]

والله العظيم شكل الاكل رائع
بس احنا بناكل القرنبيط مع رز ابيض وسلطة وبناكل الكشري الاصفر مع بيض مسلوق وصلصلة كدا بالتوم وعلي فكرة الكشري الاصفر ده مش كتير يعرفوه تقريبا بتوع المنصورة بس
وعاوزة اسال البطاطس دي مسلوقة الاول قبل ما تتحمر ولا متحمرة علطول ولو مسلوقة بتبقا بقشرها ولا لاء ؟ واد ايه مدة السلق ؟

[ضابط بحرية]

مممم

البطاطس دي بعملها بطريقة معينه

اعتقد فيكم من بيعملها كده لأنه مش اختراع يعني

بتتقطع طبعا

وتجيبي حلة صغيرة

وتحطي فيها الزيت

وتحطي البطاطس

كأنك في محلات الـ تيك اواي

لما بيحطوا البطاطس ويغرقوها بالزيت

فعشان كده البطاطس بتغتطس في الزيت بالحلة

وتسبيها شوية

بعدين تقلبي وتطلعيها

فبتطلع مقرمشة من بره

وطرية ولذيذ من جوه

احم احم

[سفيره الاسلام]

ما شاء الله اخي طباخ ماهر
ملحوظه صغيره
لو حابين البصل اللي يترش عالكشري يكون مقرمش ولذيذ نخلطه بشويه دقيق قبل التحمير ونحمره في زيت غزير ونصفيه كويس عشان مش يكن مضر

[شاعرة الاسلام]

الله

بمووت ف الكشري المصري موووووووووووووووووت

والكشري الاصفر سهل واكله مع البطاطس روعه

بس ياجماعه القرنبيط بيتاكل مع مكرونة مش مع ارزززززززززز

[ضابط بحرية]

القرنبيط بيتاكل مع مكرونة

ومع ارز

ومع خبز

كما تحبين

وجربيهم

تعرفوا اني اعرف ناس كتير

بتحط عسل اسود على الكشري اللي انا طابخه

وبتاكله وبتنسجم

جربته مره بس ما عجبني

تقبلوا تحياتي

[فنكي]

السلام عليكم
دلوقتي تقدر تعرف اخر اخبار و اخر عروض مطاعم ارزاق الكوثر من علي صفحه الفيس بوك
مطاعم كشرى (http://www.arzak-alqawther.com/restaurants-kosheri.html)

[أحمد أبو المجد]

ههههههه
شكراً
بس للأسف اول مرة بسمع فيهااا

[أحمد شعيب]

كل الشكر والتقدير لكم وبالتوفيق .