$$ شموع من صنع إيدينا! $$

[امل اسكندريه]

شموع من صنع إيدينا!

للديكور المنزلى
http://www.boswtol.com/mastaba/images/234/kamar_36.jpg
طبعا الشموع من أكتر الحاجات التى نحبها جميعا علشان كده بنلاقي إن ثمن الشموع بيكون غالي جدا بالرغم من أننا ممكن نعملها بنفسنا ومن غير ما تكلفنا حاجة خالص مش كده وبس ده احنا كمان ممكن نزينها بنفسنا وبكده هتبان كأننا شارينها من أحسن وأفخم محل متخصص في الهدايا..

كل اللي هنحتاج إليه:
• حلة كبيرة وحلة تانية أصغر منها وده علشان نعمل حمام ميه ساخن للشموع.
• شموع قديمة ملونة أو بيضاء.
• فازلين.
• فورمات جاهزة لتشكيل الشمع.
الطريقة:
1. أول حاجة هنعملها هي إننا هنذوب الشموع القديمة اللي عندنا في حمام ميه سخنة وده عن طريق إننا نحط في الحلة الكبيرة الميه ونحطها على النار علشان الميه تسخن وبعد كده نحط الحلة الصغيرة في الحلة الكبيرة ونحط فيها الشمع ونغلي الميه لغاية ما الشمع يذوب تماما.
2. هنجيب فورمات جاهزة لتشكيل الشمع وندهنها بالفازلين وده علشان يكون سهل علينا إننا نخرج الشمع المشكل منها...بعد كده هنثبت الفتيل أو الدوبارة عن طريق ربط الفتيل في قلم رصاص ونضع القلم الرصاص على سطح الفورمة اللي هنحط فيها الشمع وبعد كده نصب الشمع وناخد بالنا إن الفتيل يكون نازل في داخل الفورمة دي.

3. هنسيب الشمع لغاية ما يبرد نهائي وبعد كده نخرجه.
بكده بقى عندنا مجموعة من الشموع الجميلة اللي احنا عاملينها بإيدينا وعلى فكرة احنا لينا حرية الاختيار في عمل أي حجم للشموع احنا عايزينه فمثلا ممكن نعمل نفس الفكرة السابقة ونصب الشموع فورمة صغيرة صغيرة على شكل قلوب أو ممكن نعملها بحجم الشمعة العادية أو ممكن نعملها كبيرة..
على فكرة ممكن نزين الشموع دي بأي شكل احنا عايزينه، ودي شوية أفكار ممكن تساعدنا في تزيين الشموع..
شموع بأشكال جديدة
شمعة عريضة ملفوف عليها كارتون ملون مقصوص على
شكل قلب بالإضافة إلى بعض من حبات اللولي اللي احنا
بنركبها بالخيط على الكارتون وبعد كده بنلزقهم على
الشمعة
http://www.boswtol.com/mastaba/images/234/kamar_31.jpg
مجموعة من الشموع العريضة ملزوق عليها أوراق الأشجار
http://www.boswtol.com/mastaba/images/234/kamar_32.jpg
مجموعة من الشموع العريضة منثور عليها مادة ملمعة يأي شكل احنا عايزينه
http://www.boswtol.com/mastaba/images/234/kamar_33.jpg
كمان ممكن نحط الشموع في كاسات شفافة أو كوبايات شفافة
http://www.boswtol.com/mastaba/images/234/kamar_34.jpg

كمان ممكن نعمل الشموع دي ونحطها على حامل فيرفورجيه"حديد"
http://www.boswtol.com/mastaba/images/234/kamar_35.jpg

اتمنى تعجبكم اخواتى الاعزاء .

[ساراية]

الله
شموع تحفة
بارك الله فيك

[امل اسكندريه]

وفيك بارك الرحمن اختى الغاليه سارايه

[( زهرة فلسطين )]

:300:

افكار راائعة امولة

مشكورة يا قمر

وده تجربتي ..:38:
http://elhadife.org/up/uploads/images/elhadife38d7a02f78.jpg

دمتِ بخير؛

[امل اسكندريه]

الله الله يازهره

يعنى دى من صنع يديك

والله حلوه كتير

تسلم الايادى حبيبتى

[زهرة المجدل]

يا الله شو حلووووين والله الاشغال اليدوية كتير حلوة وهي فن كتير راقي
يسلمو زهورة حبيبت قلبي

[امل اسكندريه]

شكرا لك اختى زهرة المجل على المرور العطر

[abdoo32]

أضخم تجمع لمصنعى الشموع على مستوى مصر .. قريبا جدا
طبعا هتقولولي انت بتقول كلام كبير قوي

طيب نقول الأول:
السلام عليكم ورحمة الله

علشان نبدأنا مظبوط

أوكي..

طبعاً دلوقتي تلاقيكم بتقولوا ازاي أضخم تجمع على مستوي مصر الموضوع ده كبير
وأكيد التجمع ده هيكون على النت بس.. صح؟؟!
طيب نصلي على حبيبنا

طبعاً كل الناس اللي بتصنع شموع أكيد واجهتهم مشاكل كتير
وأنا أولكم بصراحة
والمنتدى كان ليه دور كبير جداً في اننا نقلل من حجم الأخطاء اللي بنقع فيها
بس أياً كان التعليم بيحتاج مباشرة من المعلم للمتعلم والرسول :mohamede: قال: "إنما العلم بالتعلم"
وفي القول المأثور: "كن تلميذ عالم لا تلميذ كتاب"

طيب زمانكم بتقولوا قصر اتخنقا منك
معلش بالراحة عليا شوية
كل الموضوع اننا محتاجين يوم واحد ..
واحد بس ..

كل الناس اللي شغالة شمع بالفعل مش لسة بتتدرب..
لا .. شغالة بجد ..
ويمكن بتسوق كمان على مستوى مصر كلها ..
ممكن نختار مكان وسط القاهرة مثلاً نتقابل في مقر جمعية من جمعيات صناع ..
نناقش كل المشاكل اللي بتواجهنا .. ابتداء من الخامة ومشاكلها وذبذبة أسعارها مروراً بمراحل التصنيع والاسطنبات والتغليف وصولاً إلى التسويق وكل المشاكل اللي تخطر على بال أي حد ..

حتى نحقق نقطة الترابط ما بين صناع الحياة كل مشروع على حدة
نقطة تخصص يعني ..
الشموع مع بعضها والاكسسوارات مع بعضها والمشغولات الزجاجية .. إلخ
ومن هنا يحصل تبادل الخبرات بين الناس كلها
لعل ان الناس اللي هيبدأوا فكرة الشموع دي وينجحوا فيها
تكون نقطة انطلاق لكل باقي المشاريع مع بعضها
وناخد احنا ثوابهم

في واحد دلوقتي بيقرأ الموضوع وبيقول كلامك مش واقعي .. لأن في بنات كتير بتصنع شموع
وطبعا مش هيقدروا يسافروا مخصوص ..
أقولكم بصراحة يا جماعة
ده هو يوم واحد
واحد بس
والله العظيم واحد بس
معلش الموضوع صحيح صعب
لكن لو قدرنا نتصرف ونجيب أخ معانا مش هيحصل حاجة يعني وهتبقى فسحة ليه بالمرة
وبعدين الموضوع يستحق يعني
أمال ازاي هننهض بأمتنا لازم نضحي شوية
انا مش بقول ان البنات تيجي لوحدها ..
طبعاً لأ ..
لكن يتصرفوا ..
والله لو حطو الموضوع في دماغهم هيتصرفوا وهيقدروا ..
ده في بنات كتير بتسافر وتتغرب علشان الدراسة 4 سنين وبعدين بيتجوزا ويقعدوا في البيوت
لا استفادوا من الشهادة واتغربوا على الفاضي
احنا بنقول
يوم واحد
واحد بس
مش اربع سنين

يلا يا شباب ويا شابات
ليَصْْدُق عزمنا مع الله فيمدنا بعونه ويفيض علينا من بركاته

كل واحد يدخل ويقول رأيه ان كان في فكرة تانية أو تعديل أو رأي أو إضافة أو رفض للفكرة من الأساس

واللي عاوز يشارك يدخل بسرعة على الرابط ده ويكتب هو مين ومنين ..

######################

عاوزين إن شاء الله نبدأ الموضوع في أقرب فرصة

.

[chaima-09]

والله بارك فيك يا أختي وأسكنكي فسيح جنانه
سأجربها ان شاء الله
وشكرا

[ترياق الورد]

أفكـــــــــــار غاية فى الروووووووووووووعة والجمال

تحياتي لك يا أخت أمل

[اسيرة بغداد]

الســلام عليـــكم ورحمة الله تعالى وبركاته

افكار جميله اموله جزيتي كل خير