مشكلة تعباني جدا

[انسانة وخلاص]

بسم الله الرحمن الرحيم
السلام عليكم ورحمة الله وبركاته
والله انا مشكاتي اني غيورة جدا علي زوجي ولا اعرف هل الغيرة دي مصدرها اني بحبه اوي ولا ايه معرفش
بس انا طول ما انا ماشية معاه فالشارع ببقا عاوزاه يغض بصره مليون فالمية وهو معرفش بيحلف لي انه مش بيبص علي حد لكن اللي انا شايفاه غير كدا يعني هو بيبص علي اي واحدة تيجي ادامه او اي واحدة ملفته وبعد كدا بيشيل عينه لكن بعد ما بيكون بص انا ساعتها بقا ببقا من كتر منا متعصبة بحس والله ان قلبي ده بيتخنق وبحس اني عاوزة اعيط والاكتر من كدا انا الحمد لله التزمت من ساعة ما اتجوزت ولبست نقاب بقيت بحس اني عشان اغيظو او احسسه باللي بحسه ببقا عاوزة انا كمان ابص علي رجالة بس مش بقدر بخاف من ربنا بس ساعات بردو بعمل كدا مش ببقا عاوزة ابص ولا جوايا اي شهوة للغلط ولكن بتعمد اني اعمل كدا عشان يحس ومش بيحس بردو ... بجد كرهت الخروج بسبب الموضوع ده وكل ما هو ينزل بلاقي نفسي اعدة اتخيل انه طبعا انا دلواتي مش معاه واكيد بيبص براحتة دلواتي ايه الحل ؟ وهل المشكلة عندي ولا عنده هو ؟؟؟
ربنا يكرمكم اللي يقدر يفيدني يفيدني لاني والله محتاجة كل كلمة هتقولوها

[alyasamina]

السلام عليكم

لا حول ولا قوة الا بالله

أخيتي الحبيبة هذا شيطان خبيث يوحي لك بالشك كي يفصل بينك وبين زوجك ..

دعينا نتناقش ..

أولا : هل زوجك طلقك من قبل او اوحى بذلك ؟

ثانيا : هل انت أقل منه جمالا فتشعرين بالنقص او حتى اقل منه في شيء ما ؟

ثالثا : هل لديكما اطفال ام ليس لديكم لفترة طويلة فانت قلقة ان يتزوج عليك ؟

رابعا : هل هو شخص طائع لربه ويصلي صلاته أم هو شخص غير مؤتمن ؟

اجيبي هنا ونكمل النقاش ان شاء الله ...

[انسانة وخلاص]

اولا شكرا لاهتمامك
أولا : هل زوجك طلقك من قبل او اوحى بذلك ؟
لا عمرها ما حصلت انا متجوزة من سنة ونص وجوزي والله يحبني جدا لدرجة اني بحس ان والله مافيش حد بيحب مراته كدا

ثانيا : هل انت أقل منه جمالا فتشعرين بالنقص او حتى اقل منه في شيء ما ؟
ولا حتي دي

ثالثا : هل لديكما اطفال ام ليس لديكم لفترة طويلة فانت قلقة ان يتزوج عليك ؟
ان شاء الله هولد بعد شهر وهيبقا اول بيبي باذن الله (ادعيلي بقا ربنا يتمم لي علي خير)

رابعا : هل هو شخص طائع لربه ويصلي صلاته أم هو شخص غير مؤتمن ؟
اه الحمد لله بيصلي وبيقرا كل يوم قران قبل ما ينام

هو انسان كويس والله بس فالنقطة دي معرفش ماما بتقولي دي عدم ثقة فنفسك وهو بيحلف لي انه مش بيبص علي حد وبيقولي ان انا متهيالي بيقول لكن ساعات واحدة تيجي ادامي غصب عني او حاجة ملفتة خلت اي حد يبص زي واحدة بتضحك بصوت عالي

[alyasamina]

السلام عليكم

ما شاء الله لا قوة الا بالله بارك الله لك فيه

نصيحتي لك ان تقنعي نفسك إنك إن ظللت على حالك من الشك وهذه الطريقة ربما تخسريه فعلا وربما يقول في نفسه هي على كلا الحالتين تشك في فلا باس من العبث يعني بمعنى أصح لو غواه الشيطان سيكون لك يد بهذه الطريقة ..
أقنعي نفسك أن السعاده منبعها الثقة وانه لو حدث ما لم تتوقعيه فهذا امر الله لن تتسبب طريقتك في رده لكن الاخطر ان تتسببي انت بطريقتك في تغييره للاسوأ ..
أخيتي لا تجعلي حياته جحيما بنار الغيرة المريضة واتركي الامر لله وضعي ثقتك في الله عز وجل وفي صيانته عز وجل لحقك لتقواك وصلتك بالله عز وجل وعززي هذه الصلة ليبعث الله الطمأنينة في قلبك ..
أختي الحبيبة اعطاك ربك هديتين زوج مخلص وطيب وذرية قريبا فاحرصي على بيت هاديء جميل ما شاء الله لا قوة الا بالله بارك الله لك وزادك وجعل بيتكم سعيدا صالحا ..
كلما وسوس لك الشيطان استعيذي بالله وتحكمي في كلماتك قبل خروجها وبدليها بكلمات حب وود ومديح لحبك أكثر ولا يفكر في النظر لغيرك فالرجل الذي يحب زوجته مهما كبرت او تغيرت يراها اجمل ..

برأيي حملك الذي تسبب في تغيير شكلك أثر وزاد الامر تخافين ان ينظر لمن هي اجمل واكثر رشاقة الا ان الرجال الذين يعرفون ربهم عيونهم ترى الزوجة بشكل آخر روحي وترى عيوبها شيء طبيعي وبالعكس بطنك المنتفخة مصدر سعاده له ففيها امنية حياته وامتداد عمره وحبه يجعله يرى نساء العالم بجوارك عاديات وربما اقل ...

أسعدكم الله وانار بيتكما بحبه وطاعته ااامين .

[انسانة وخلاص]

والله ربنا يباركلك ويسعدك
وانا فعلا لو راودني الشك مرة تانية هستعيذ بالله من الشيطان الرجيم
ولكي جزيل الشكر علي كلامك الجميل اللي والله بعث الطمانينة فقلبي وزادني ثقة بنفسي كمان
وربنا يوفقك يا رب ويجري الحكمة علي لسانك كمان وكمان

[alyasamina]

السلام عليكم

أسعدك الله اختي الحبيبة دعواتي لبيتك بالالفة والطمانينة الدائمة والذرية الصالحة وطاعته عز وجل ااامين

طمنينا عنك دائما بارك الله فيك

[انسانة وخلاص]

امييييييييييييييين
وربنا يجعل دعواتك لي من نصيبك انتي كمان