يايـمه

[إيلاف]

يايمه...

يايمه عقبك هالبشر عـــذبونــــي
.......................من عقبكم يايمه حــــالي صعيبـــــه
من عقبكم ماشفت شخص حنوني
.......................ماشفت غير اللي سعى بالمصيبــــه
مليت من دنياي زادت جنونـــــي
........................صار الشعر هو حيلتي وأنتحي به
من كل صوب هموم قلبي يجوني
........................صارت أيامي والليالي كئيبــــــــه
حتى خواني للعذاب تـــركونـــي
........................بين الملا صارت حياتي غريبــــه
روفو بحالي ياهلي وأرحـــموني
........................عمري مضى كله بضيم وغصيبـه
شوفوا دموعي ياعرب غرقونــي
........................أشكي الجروح اللي بقلبي عطيبـه
كأني غضبت بلحظة سامحونــي
........................بكشف خفايا العمر وأشق جيبــــه


إختيار....
إيــــــــــــلاف..(بتصرف)

[صاحب بصمة]

ما شاء الله لا قوة الا بالله شعر نبطي ولا أروع

هل هذا من وحي قلمج؟

[إيلاف]

لا..لا..

هاي القصيده مو أنا اللي كتبتها..

صح أنا أحب الشعر..وأكتب..

بس لدرجة أني أكتب أشعاري أنا في المنتدى...
لا ..لا..لا..

مو عشان شيء ..

بس أنت عارف الواحد مايكتب إلا الشيء اللي يحس فيه..
وأنا ماأحب أحد يعرف أي شيءأحس فيه..
ولا يقرأ شيء من أشعاري..يعني(كتومه)نوعا ما...

شكرأً على الرد...

[صاحب بصمة]

ليش اذا كانت عندج موهبه طلعيها و نميها و يريت تفيدينا بأشعارج حاولي ترى ودي اسمع بعض اشعارج

شكرا الشاعرة:ايلاف

[إيلاف]

أوووه قويه...شاعره مره واحده...

مو شاعره...بس مبتدئه...

بصراحه(صاحب بصمه) هذا اللي أقدر أكتبه من أشعاري...

(الشهاده)
كتبته قبل لاأستلم شهادتي لاني كنت أنتضر أمسكها على أحر من الجمر
وبرضو كنت متحديه واحده من زميلاتي يأنا ياهي اللي تجيب الرابعه على الفصل
(ماكنا طماعين) هاها(الناس يتحدون في الأولى وإحنا الرابعه)..

وهذي أبيات القصيده...
ياحمامه رفرفي بجناحك وجيبي الشهــــاده
جيبي اللي شاغلتني من نصف ســـــاعـه
جيـبي البشــرى والتفـــوق بالإجـــــــــاده
خبرينـــا وفرحينـــــــا بالمكانه الرابعــــه
إسرعي لاتبطين عني ترى شوقي للشهاده
مثل شوقي للجنان وإلطفي بي يامطيعــــه
قلبي مستعجل وعقلي في يدي مثل الوساده
إن حصل لي كارثه أنا عندك وداعــــــــه

طبعا والحد لله نجحت بتفوق والرابعه على فصلي وبصراحه كانت أول مره أحس بالإنتصار
عشان كذا تأكدت إن الإنسان يقدر يسوي اللي يبغاه لكن بالجد والإجتهاد وقبلهم الصبر...

[صاحب بصمة]

ما شاء الله عليك لم اخطأ عندما لقبتك بالشاعرة و بالصبر و العزيمه ستصبحين شاعرة المنتدى ان شاء الله :)