mahmoudrz
02-17-2011, 11:55 PM
حكاية مصرية .... أسرة سعدية
الشاعر : محمود رفعت زعلوك
..........................................
هحكي لآخر الليل
قصة طويلة
... أب شقيان كتير
و أم أصيلة
كلمة حنان في أغنية
لها معنى .... حب و غرام
و في قلبي من أمي هدية
تحلي الأيام
يا سلام ....لما مولود يزور دنيتنا
الفرح يعود
و البيت مبسوط
و يكون محتاج أمل و وعود
يشوف إبتسامة على خد أمه
يسمع ردود
من أب سعيد
بحنانه يجود و في حضنه يضمه ....
يعدي يوم و شهر و سنة
و الطفل سعيد بحياته أكيد
أكل و شُرب و نوم و هنا
بس عيون البيت سهرانة
و تفكيرها في بكرة أمانة ....
يوم ورا يوم الطفل بيكبر
و يقول بابا و يقول أب
و أب يعني الحب
شوق و حنان و قلب
فرحة و سعادة كمان
و عنوان دفء و أمان
شيال حمُول و هموم
و بيشقى كل يوم
دايماً و في أي زمان ....
و يقول ماما و يقول أمي
و ماما كلمة كبيرة
و أكيد بتجري في دمي
الأم دي روح جميلة
و هي أول حبي....
يكبر الولد و يروح مدرسة
و عدم رسوبه يكون نجاح
و النجاح ده بمعجزة
و الدرجات أكيد مفرسة
بس نجح و الكل ارتاح ....
و يوم ورا يوم
يا عيني الأب مهووس
في النهار دروس و فلوس
و في الليل ألف كابوس
و الأم عايشة في الخوف
و خايفة من أي ظروف
خايفة ينسى الإجابة
و تصلي و تدعي
و في اللجنة الكل غلابة
يرجع يبكي و يقول على قدي ....
تمشي الحياة و تكون مأساة
لو في مولود في الطريق
الأب .... كلا و لا
الأم .... دا طفل بريء...
.يبدأ أخوه يغير منه
إكمنه طفل صغير
و نفسه يرجع في سنه
الأب : دي حاجة تحير
و الأم للطفل بتغير....
متعديش كام ساعة
و تلاقي الطفل بيلطم
أخوه ضربه بأي بتاعة
و أمه تقول له اتسد و اكتم
يعني الضرب نازل عليه
و غير البُكى هيعمل إيه ؟
بس بكرة أكيد هيفهم ....
البيت خلاص أصبح فوضى
الأب : لا يمكن أرضى
و الأم كمان في ورطة
أصلها حامل في التالت
الأب في أجازة عرضة
و العيال أهي بتساعد....
و كمان طلعت حامل في بنت
الأب : نعتبرها هدية
الأم : هتملى علينا الدنيا ديّا
الأب : اسكتي يا وليه ....
ييجي رمضان و الكل صايم
و المسكين الأب نايم
تيجي الأم تقول له قوم
و كل يوم عزايم
و الياميش يكون بالكوم
و في الفطار تعمل ولايم ....
يفطر و ينام
تنادي المدام
تقول له كلم العيال
يعني كارثة ولا عالبال
الأول : عايز عيدية
و التاني : فين الهدية
و البنت إسمها سعدية
و سكوتهم هيكون محال ....
صاحبنا خلاص عقله شتّ
مالولدان و كمان مالبنت
راح يشكي حاله
لحبيبته و أم عياله
شاف معاها ورقة
قال لها : فيها إيه ؟!
قالت له : دي مفاجئة
أُغمى عليه البيه ....
أصل مفاجئة مراته
بتكون شديدة شوية
و ممكن تكون حماته
في الطريق ليهم و جاية ....
و تعدي الأيام ..
و يكبر الأولاد
لو يقول سلام ..
يقولوا هات و هات
الأب : غالية الأسعار
الأم : فين الخضار
و الولاد عايزين كافيار
الأب : موت يا حمار ....
بعد العصر و بعد الفصل
في موضوع الأسعار
نادى الولد : يا بابا
في البيت صرصار
الأب : و أنا أعمل إيه
البنت : قوم يا وحش أقضي عليه
يعني مفيش أمل في الراحة
البيت عذاب
و لو يتكلم بصراحة
يهروه عتاب ....
الأم : عايزة أروح السيما
الأب : عيب دا إنتي الحكيمة
الأم : يا السيما يا تطلقني
أنا في غُلب معاك
عشر سنين و أما تفسحني
توديني جنينة الأسماك ....
و أيام بتعدي
تجيب و تودي
الولاد كبروا خلاص
و دخلوا الجامعة
الأب لسة محتاس
و الواد عامل أبو لامعة ....
الأم في مشاكل البيت
و البنت عاملة إيتيكيت
و اللي زاد و غطى الواد التالت
كل يوم في ورطة و أحواله مالت ....
الأب جات له ترقية
و البنت في حالة عصبية
و العيال عايزة نقدية
و الأم عايزة البقية
الأب : يا عالم ارحموني
إنتوا عارفين اللحمة بكام ؟
و لو نسيتوا اسألوني
أنا خبرتي في السعر تمام
الأم : مادام عارف الأسعار
و بتسأل و تشوف
خلي عندك إصرار
و اشتري لنا لحم خروف
الأب : لأ .. لأ يا حبيبتي أنا بعرف مالتوك شو
الأم : و ده طبيخ و لا نشووه !!!! ....
الأب : عليكوا دعيت يلي في البيت
تشوفوا الحيرة ديّة
و تصرفوا المهية
علشان تعذروني
و لا يوم تلوموني
و تعرفوا .... إيدي سخية
http://profile.ak.fbcdn.net/hprofile-ak-snc4/188154_104979490714_3659573_n.jpg
الشاعر : محمود رفعت زعلوك
..........................................
هحكي لآخر الليل
قصة طويلة
... أب شقيان كتير
و أم أصيلة
كلمة حنان في أغنية
لها معنى .... حب و غرام
و في قلبي من أمي هدية
تحلي الأيام
يا سلام ....لما مولود يزور دنيتنا
الفرح يعود
و البيت مبسوط
و يكون محتاج أمل و وعود
يشوف إبتسامة على خد أمه
يسمع ردود
من أب سعيد
بحنانه يجود و في حضنه يضمه ....
يعدي يوم و شهر و سنة
و الطفل سعيد بحياته أكيد
أكل و شُرب و نوم و هنا
بس عيون البيت سهرانة
و تفكيرها في بكرة أمانة ....
يوم ورا يوم الطفل بيكبر
و يقول بابا و يقول أب
و أب يعني الحب
شوق و حنان و قلب
فرحة و سعادة كمان
و عنوان دفء و أمان
شيال حمُول و هموم
و بيشقى كل يوم
دايماً و في أي زمان ....
و يقول ماما و يقول أمي
و ماما كلمة كبيرة
و أكيد بتجري في دمي
الأم دي روح جميلة
و هي أول حبي....
يكبر الولد و يروح مدرسة
و عدم رسوبه يكون نجاح
و النجاح ده بمعجزة
و الدرجات أكيد مفرسة
بس نجح و الكل ارتاح ....
و يوم ورا يوم
يا عيني الأب مهووس
في النهار دروس و فلوس
و في الليل ألف كابوس
و الأم عايشة في الخوف
و خايفة من أي ظروف
خايفة ينسى الإجابة
و تصلي و تدعي
و في اللجنة الكل غلابة
يرجع يبكي و يقول على قدي ....
تمشي الحياة و تكون مأساة
لو في مولود في الطريق
الأب .... كلا و لا
الأم .... دا طفل بريء...
.يبدأ أخوه يغير منه
إكمنه طفل صغير
و نفسه يرجع في سنه
الأب : دي حاجة تحير
و الأم للطفل بتغير....
متعديش كام ساعة
و تلاقي الطفل بيلطم
أخوه ضربه بأي بتاعة
و أمه تقول له اتسد و اكتم
يعني الضرب نازل عليه
و غير البُكى هيعمل إيه ؟
بس بكرة أكيد هيفهم ....
البيت خلاص أصبح فوضى
الأب : لا يمكن أرضى
و الأم كمان في ورطة
أصلها حامل في التالت
الأب في أجازة عرضة
و العيال أهي بتساعد....
و كمان طلعت حامل في بنت
الأب : نعتبرها هدية
الأم : هتملى علينا الدنيا ديّا
الأب : اسكتي يا وليه ....
ييجي رمضان و الكل صايم
و المسكين الأب نايم
تيجي الأم تقول له قوم
و كل يوم عزايم
و الياميش يكون بالكوم
و في الفطار تعمل ولايم ....
يفطر و ينام
تنادي المدام
تقول له كلم العيال
يعني كارثة ولا عالبال
الأول : عايز عيدية
و التاني : فين الهدية
و البنت إسمها سعدية
و سكوتهم هيكون محال ....
صاحبنا خلاص عقله شتّ
مالولدان و كمان مالبنت
راح يشكي حاله
لحبيبته و أم عياله
شاف معاها ورقة
قال لها : فيها إيه ؟!
قالت له : دي مفاجئة
أُغمى عليه البيه ....
أصل مفاجئة مراته
بتكون شديدة شوية
و ممكن تكون حماته
في الطريق ليهم و جاية ....
و تعدي الأيام ..
و يكبر الأولاد
لو يقول سلام ..
يقولوا هات و هات
الأب : غالية الأسعار
الأم : فين الخضار
و الولاد عايزين كافيار
الأب : موت يا حمار ....
بعد العصر و بعد الفصل
في موضوع الأسعار
نادى الولد : يا بابا
في البيت صرصار
الأب : و أنا أعمل إيه
البنت : قوم يا وحش أقضي عليه
يعني مفيش أمل في الراحة
البيت عذاب
و لو يتكلم بصراحة
يهروه عتاب ....
الأم : عايزة أروح السيما
الأب : عيب دا إنتي الحكيمة
الأم : يا السيما يا تطلقني
أنا في غُلب معاك
عشر سنين و أما تفسحني
توديني جنينة الأسماك ....
و أيام بتعدي
تجيب و تودي
الولاد كبروا خلاص
و دخلوا الجامعة
الأب لسة محتاس
و الواد عامل أبو لامعة ....
الأم في مشاكل البيت
و البنت عاملة إيتيكيت
و اللي زاد و غطى الواد التالت
كل يوم في ورطة و أحواله مالت ....
الأب جات له ترقية
و البنت في حالة عصبية
و العيال عايزة نقدية
و الأم عايزة البقية
الأب : يا عالم ارحموني
إنتوا عارفين اللحمة بكام ؟
و لو نسيتوا اسألوني
أنا خبرتي في السعر تمام
الأم : مادام عارف الأسعار
و بتسأل و تشوف
خلي عندك إصرار
و اشتري لنا لحم خروف
الأب : لأ .. لأ يا حبيبتي أنا بعرف مالتوك شو
الأم : و ده طبيخ و لا نشووه !!!! ....
الأب : عليكوا دعيت يلي في البيت
تشوفوا الحيرة ديّة
و تصرفوا المهية
علشان تعذروني
و لا يوم تلوموني
و تعرفوا .... إيدي سخية
http://profile.ak.fbcdn.net/hprofile-ak-snc4/188154_104979490714_3659573_n.jpg