بعض قصائد هشام الجخ ......... هتستمتعوا بها وانا واثقة من ده

[شاعرة الاسلام]

السلام عليكم

احببت ان اعرض عليكم بعض قصائد هشام الجخ هذا الشخص لم نعرفه الا قبل الثورة في برنامج امير الشعراء الذي يذاع في دبي

رائع كلماته واسلوبه وكل حاجة ربنا يزيده

اليكم هذه القصيدة التي رجت الناس وكانت قوية


http://www.youtube.com/watch?v=1hNtCgkLKaM

[شاعرة الاسلام]

ودي ايضا رائعه


http://www.youtube.com/watch?v=Jcu0-MMpSI8

[شاعرة الاسلام]

دي قصيدة جحا الراااااائعه جايباها مكتوبة




جزء من القصيدة الاولي
(جحا)
عن حال مصر

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة

[شاعرة الاسلام]

(مش كفايا)
طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية

لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة

وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية

[شاعرة الاسلام]

(انسحبوا)


كان الاسلكى بعيد والعسكرى مسمعش
انسحبوا
شوفواالعجب ياولادالعسكرى مرجعش
انسحبوا
اطرش دا ولا صنم
ارجع ياجندى بياده
دخل العدو العريش ارجع خلاص بزياده
العسكرى سامع
لكنه واد مجدع
شال اربجيهه وضحك اشمعنا انا اللى ارجع
وقف الزمن مذهول ساعتين بيشاهد
الجندى قام كبر و المدفع اتشاهد
الدبابات ظهرت
ارجع ياجندى نظام
دا كان كلام القياده
ودا برضوا وقت كلام
وقف الواد ددبان
ياسادة ياسمعين
صادهم كما الدبان
محروس ياواد من العين
الدبابات صفين
اتافجؤا وافترقوا
على كتفوا كان مدفع
وعلى الجبين عرقه
غطا العفار النار
ولاحد عاد شايف
والدبابات بتهل
وداه برضوا مش خايف
الضحكة على وشه متقلش بيصيف
ولسه الزمن واقف
مبسوط ومتكيف
الدبابات كترت
والكترة غلابه
والقلب لو مؤمن ولاالف دبابه
هتقولوا مات الولد
أناقولكم لا عاش
ما الجنه ولا فيها موت
ولاتدخل ببلاش