دعوة على مائدة الأفطار [Archive] - منتديات الدكتور طارق السويدان

petit maryiam

10-01-2006, 01:39 PM

بسم الله الرحمن الرحيم

و الصلاة و السلام على أشرف المرسلين

http://www.s77.com/3DSmile/35/t-157.gif

أحبتي في الله

نبدأ اليوم في هذه النافذة

وهي دعوة على مائدة الأفطار

و نستضيف فيها شخصية من شخصيات المنتدى الكريم

في محاورات و مناقشات راجين من المولى عز وجل ان تعود علينا بالفائدة

و بسم الله نبدأ على بركة الله

http://www.s77.com/3DSmile/35/t-026.gif

http://www.s77.com/3DSmile/35/t-033.gif

petit maryiam

10-01-2006, 01:41 PM

أحبتي في الله

السلام عليكم و رحمة الله و بركاته

http://www.s77.com/3DSmile/35/t-071.gif

يسعدني و يشرفني ان يكون اول لقاء و استضافة على مائدة الأفطار اليوم

الأخ الأستاذ المخرج / فيصل الشناوي

فأهلا و مرحبا به معنا http://www.s77.com/3DSmile/35/t-178.gif

و اهلا و مرحبا بكم جميعا :)

فيصل الشناوي

10-01-2006, 01:44 PM

السلام عليكم ورحمه الله وبركاته

اسعدني كثيرا الانضمام الي هذا المنتدي الطيب

تحياتي لكم جميعا

واتمني ان ييسر لنا الله سبل الطاعه جميعا وخدمة الامة ان شاء الله

وشكرا لكي اختنا د مريم علي استضافتي معكم اليوم

petit maryiam

10-01-2006, 01:49 PM

أخي الكريم أستاذ فيصل

و الله احنا الأسعد بهذا اللقاء على الهواء في هذا المنتدى الكريم

بارك الله فيك

طبعا كل سنة و حضرتك طيب بمناسبة شهر رمضان الكريم

و اود ان اسالك عن ذكرياتك في الشهر الكريم

و اعمالك فيه ... هل تقل ام تزيد ؟؟؟:o

http://www.s77.com/3DSmile/35/t-152.gif

فيصل الشناوي

10-01-2006, 01:54 PM

كل سنة وحضرتك طيبة واهلنا كلهم بخير في وطننا الاسلامي ان شاء الله

بالنسبة لشغل العادي زي ماهو مش بيقل واو بيزيد بتتغير المواعيد بس

بالنسبة لشغل الثري دي والجرافيك والفيديو بيقل طبعا لأن الوقت بيكون ضيق شويه

يعني الوقت الفاضي تقريبا معدوم فمعدل انتاجي بيقل شويه عن بقية السنة

اما ذكرياتي عن رمضان في مصر وسط اصحابي واللمة والاهل كانت اجمل ايام كنا دايما نلعب كورة قبل

الفطار من العصر لغاية المغرب ..ونطلع نجري والاذان بيأذن علشان نلحق الفطار في البيت

وفي الجامعه كنا كل يوم نفطر عند واحد من اصدقائنا

بجد اللمة والاصدقاء ودفء الوطن شيء غالي قوي ومفيش حاجه تعوضه ابدا

petit maryiam

10-01-2006, 01:59 PM

يااا يا استاذ فيصل فعلا الغربة صعبة

حيث ان حضرتك مقيم في جدة

و بعيد عن الأهل والأصدقاء

و قريبا ان شاء الله نهنئك بالرجوع للقاهرة بسلامة الله و بالزفاف السعيد باءذن الله

و فعلا ذكرياتك لرمضان جميلة و تحمل رائحة الجو المصري الجميل في رمضان

.....

طيب أحب أن أسألك عن عملك كمخرج و كيف بدأت هذا المشوار ؟؟

و هل واجهتك صعوبات ؟؟؟؟

و هل كانت هي رغبتك أن تعمل في الأخراج ؟؟؟

فيصل الشناوي

10-01-2006, 02:08 PM

شكر ا ليكي وان شاء الله كلكم معزومين عليا لزفاف قريبا في القاهره ان شاء الله

بالنسبة للاخراج انا اصلا كان نفسي امثل قوي ولما دخلت كلية التجارة دورت علي فريق المسرح وفعلا انضميت ليه ولقيت اهتمام بيا من اعضاء الفريق القدامي وقالولي اني موهوب واني كمان هاكون مسئول الفريق بعد كده

وفعلا اتحققت نظرتهم وبعد سنهو واحده كنت مسئول عن الفريق وبعدين ابتديت اخراج مسرحي بالصدفة لما بدأ عندنا في جامعة طنطا ملتقي صيفي للطلبة .يقدموا فيه مسرحيات من انتاج الطلبة في كل شيء وقدمت اول مسرحية من اخراجي وبطولتي والحمدلله لاقت نجاح كبير قوي وحققت المركز الاول في المسابقة ومن يومها كملت اخراج وتمثيل لمده 7 سنين متتاليه وابتديت اركز في الاخراج اكتر وحصلت علي دورات من المركز المصري للمسرح والموسيقي في المسرح القومي في كل فنون المسرح

والحمدلله حققت اسم كويس ونجاحات كبيرة بفضل الله ,وايضا مريت بأحباطات قوية ومحاولاتي هدم ليا .. بالظبط فكرة تجفيف المنابع انهم يموتوني وانا صغير علشان ماخدش مكانهم بس بالاصرار وبالناس المخلصة والعند كملت المشوار

, بعدها كان قدامي خياريين اما اكمل فن بأحتراف كما يريدون في الوسط الفني كمحترف او افضل هاوي ومش لاقي اكل ..

مقدرتش اتنازل عن مبادئي ان الفن رسالة نقية وسبت مصر كلها وجيت السعودية واشتغلت محاسب

حنيني للفن خلاني اتعلم الجرافيك وتصميم الافلام الثري دي وايضا مونتاج الفيدو والدوبلاج والحاجات دي كلها

petit maryiam

10-01-2006, 02:17 PM

والحمدلله حققت اسم كويس ونجاحات كبيرة بفضل الله ,وايضا مريت بأحباطات قوية ومحاولاتي هدم ليا .. بالظبط فكرة تجفيف المنابع انهم يموتوني وانا صغير علشان ماخدش مكانهم بس بالاصرار وبالناس المخلصة والعند كملت المشوار

الحمد لله انها غيمة قاتمة و عدت على خير .... المهم انها زادتك اصرارا

و هذا هو المطلوب من كل شاب ان يصمد و يتحمل من اجل هدفه و ان يضع هدف امامه

يعيش و يحيا من اجله و اكيد.. أكيد هايحققه باءذن الله

حنيني للفن خلاني اتعلم الجرافيك وتصميم الافلام الثري دي وايضا مونتاج الفيدو والدوبلاج والحاجات دي كلها

و فعلا ما شاء الله اعمالك جميلة و هادفة و كلها في خدمة المسلم

*****************

طيب يا استاذنا نظرا لصلاة العصر في جدة

نؤجل اللقاء

و عموما حضرتك معزوم معانا الليلة على الأفطار

و عاوزة اسألك مؤقتا

:) :cool: تحب تفطر ايه النهارده ؟؟؟؟ :p

صراحه عندنا في المنتدى بوفيه راااائع و احنا عازمينك

http://www.lakii.net/images/Aug05/joy_touqeea1.jpg (http://www.lakii.com/vb/showthread.php?t=134442)

aseel

10-01-2006, 02:19 PM

ماشاء الله ربي يعينك على مصارعة التحديات التي تقف امام كل ناجح وطموح لتحول بينه وبين مايريد لكن هيهات ان تبقى امام العزيمة والاصرار والصبر والاستعانة بالله والتوكل عليه
ندعو لك الله بالثبات والتقدم والتوفيق في كل ماتطمحون اليه

وسؤالي هو
هل تعتمد خطط معينة خلال كل سنة لتنفيذ اعمالكم ام حسب الضروف؟
وماهو حلمك الكبير الذي تتمنى ان تحققه ؟

فيصل الشناوي

10-01-2006, 02:22 PM

شكرا علي الفطار مقدما واكيد افطار رائع مادام معكم

انا عاوز بقي الاول اشرب عرقسوس مصري بارد والاكل مكرونة بالبشاميل وصينية بطاطس

او رز معمر وصينية بطاطس

او صينية بطاطس بس

ههههههههههه

بصراحه انا مغرم بالبطاطس بكل اشكالها

اما الحلو طبعا كنافة وقطايف

اهم حاجه بجد الصحبة لو حتي هناكل عيش حاف بجد والله العظيم عن تجربة

راحه البال والصحبة يبيخلوا لكل حاجه طعم جميل

petit maryiam

10-01-2006, 02:23 PM

أهلا و سهلا اختنا الغالية // أسيل

و طبعا منورانا على المائدة :)

و نعمل حسابك معانا :o

تحبي تفطري ايه :cool:

petit maryiam

10-01-2006, 02:34 PM

شكرا علي الفطار مقدما واكيد افطار رائع مادام معكم

انا عاوز بقي الاول اشرب عرقسوس مصري بارد والاكل مكرونة بالبشاميل وصينية بطاطس

او رز معمر وصينية بطاطس

او صينية بطاطس بس

ههههههههههه

بصراحه انا مغرم بالبطاطس بكل اشكالها

اما الحلو طبعا كنافة وقطايف

اهم حاجه بجد الصحبة لو حتي هناكل عيش حاف بجد والله العظيم عن تجربة

راحه البال والصحبة يبيخلوا لكل حاجه طعم جميل

تتصور بقه يا استاذنا http://www.s77.com/3DSmile/40/Eat_034.gif

شيف المنتدى فعلا مجهز نفس الطلبات و في المقدمة العرقسوس http://www.s77.com/3DSmile/40/Eat_037.gif

و بالنسبة لصينية المكرونة باشاميل دي انا محترفة فيها طبعا موجوده

و كمان الكنافة و القطايف ... أحلى طلب للأستاذ فيصل يجي حالا

http://www.s77.com/3DSmile/40/Eat_080.gifومش هاننسى الأرز المعمر http://www.s77.com/3DSmile/40/Eat_074.gif

وصحتين وهنا

فيصل الشناوي

10-01-2006, 02:35 PM

ماشاء الله ربي يعينك على مصارعة التحديات التي تقف امام كل ناجح وطموح لتحول بينه وبين مايريد لكن هيهات ان تبقى امام العزيمة والاصرار والصبر والاستعانة بالله والتوكل عليه
ندعو لك الله بالثبات والتقدم والتوفيق في كل ماتطمحون اليه

وسؤالي هو
هل تعتمد خطط معينة خلال كل سنة لتنفيذ اعمالكم ام حسب الضروف؟
وماهو حلمك الكبير الذي تتمنى ان تحققه ؟

الحمدلله بفضل الله تعالي الواحد بيقدر يقوم ويكمل وبمرور الوقت يجد ان حكمة ربنا كبيرة قوي فوق الخيال ويلاقي ان الصدمة والالم والحرب دي وانها هدمتك وقتها وجرحتك انها بمرور الوقت كانت السبب ان الله اعزك ورفعك علي اللي حاربوك ..وده عن تجربة حقيقة ..سبحا ن الله

اما عن الشغل مش بحط خطة كامله انا برشح مجموعه من الافكار والاعمال انفذها وابدأ بترتيبها وخصوصا ان شغل الرسوم المتحركة بياخد جهد ووقت وفكر غير عادي

وببدأ في التنفيذ بس ساعت اوقف شغل وابدأ حاجه تانيه او حاجه جديدة خالص حسب حالتي النفسية لأني بحب احس الحاجه قوي علشان تطلع صادقة

وساعات اغير بسبب موقف عام او قضيه عاوز اشارك فيها زي ازمة الدنمارك عملت كليب اسمه عمرو خالد رمز الجيل ده مكنش مخطط ليه .. زي حرب لبنان عملت كليب قتلوا الشعب وكده ..

اما حلمي الكبير اللي بتمني احققه ان اعمالي يشوفها العالم كله وان الاعمال يستفيد بيها الناس وتتأثر فيهم ورسالتي برضه نفسي قوي ااقدم اعمال كرتونية لاطفال الغرب مش لاطفال المسلمين بس اعرف اطفال الغرب حقيقتنا ويطلع جيل جديد مش بيكرهنا .. بيحترمنا

اتمني من الله في الايام المباركة دي انه يستعملنا ولا يستبدلنا ويسخرنا لخدمه الاسلام والمسلمين ونشر الدعوة كل واحد فينا بموهبته يارب

اتمني الاقي ربي وهو راضي عني وتكون اعمالي دي في ميزان حسناتي ويهدي الله بها ولو رجل واحد

petit maryiam

10-01-2006, 06:48 PM

أحبتي في الله

نستأنف الحديث مع الأستاذ / فيصل بعد صلاة التراويح

و أي من الأخوة و الأخوات الأفاضل يرغب في المشاركة و سؤال ضيفنا الكريم

فليتفضل مشكورا و أهلا و سهلا بالجميع

http://www.s77.com/3DSmile/36/F_030.gif

aseel

10-01-2006, 06:49 PM

سؤال اخر اخي فيصل

من وين نقدر نحصل على اعمالك ونشوفها هل لديك موقع خاص بك مثلا او هل عرضت الكليبات في احدى الفضائيات مثلا

باختصار شوقتنا لرؤية اصداراتك وياريت تدلنا من وين نتابعها:rolleyes:

بالنسبة للبطاطا والفطور قلت انك تحب البطاطا وشوف المصادفة اليوم كان فطورنا تبسي بطاطا مبروشة على الطريقة العراقية:D تمنيتك فيها لو كان عندي ايميلك كان دزيتلك طبق منها عبر الايميل ;) اكيد راح تعجبك :p

اختي الحبيبة petit maryiam اشكرك جدا وبالنسبة لي اي شي يطلع من تحت ايدك اكيد يعجبني سلمت لي يداك وجزاك الله خيرا غاليتي

فيصل الشناوي

10-01-2006, 10:45 PM

سؤال اخر اخي فيصل

من وين نقدر نحصل على اعمالك ونشوفها هل لديك موقع خاص بك مثلا او هل عرضت الكليبات في احدى الفضائيات مثلا

باختصار شوقتنا لرؤية اصداراتك وياريت تدلنا من وين نتابعها:rolleyes:

بالنسبة للبطاطا والفطور قلت انك تحب البطاطا وشوف المصادفة اليوم كان فطورنا تبسي بطاطا مبروشة على الطريقة العراقية:D تمنيتك فيها لو كان عندي ايميلك كان دزيتلك طبق منها عبر الايميل ;) اكيد راح تعجبك :p

اختي الحبيبة petit maryiam اشكرك جدا وبالنسبة لي اي شي يطلع من تحت ايدك اكيد يعجبني سلمت لي يداك وجزاك الله خيرا غاليتي

انا بالنسبة لاعمالي بعرضها ع النت حاليا الي ان يأذن الله بأمر اخر

يعني في موقع أ عمرو خالد وفي موقع فن اسلامي ومعاكم هنا ابتديت اعرض اعمال

وعلي قناة صناع تي في اول قناة علي الانتر نت عاملها مجموعة جميلة من شباب صناع الحياة وابتدت تعرض ليااعمال فعلا..
وان شاء الله بعرض الاعمال هنا تباعاً لاستفيد من ارائكم

وطبعا البطاطس كانت هاتغعجبني لأني بموت فيها بالهنا والشفا وان شاء الله نفطر السنة الجاية كلنا في العراق مع بعض

petit maryiam

10-01-2006, 10:51 PM

أستاذ فيصل ... حمد الله على السلامة و يارب مائدتنا ماتكون تقيلة عليك :)

طبعا نستأنف حديثنا على المستوى السياسي

1- بالنسبة لقضية الدنمارك , و الأساءة الفظيعة في حق رسول الله و المسلمين

كيف حضرتك عالجتها و عبرت عنها من خلال أعمالك ؟؟

ياريت تعرفنا :)

فيصل الشناوي

10-01-2006, 11:02 PM

الله يسلمك يادكتورة مريم

بس الاكل كان فظيع وانا افتريت بصراحه تسلمي علي الافطار ده وعقبال كل سنة

انا الموضوع بتاع الدنمارك بصراحه كده جنني لما شوفت الصورة الملعونة رغم اني فاهم ان الرسام قاصد يرمز

للمسلمين ومش قاصد اساءة شخصية لرسول الله وده مش دفاع عنه طبعا بس فهم فني للموضوع لما احب اعبر عن امريكا

مثلا ارسم العم سام بالبرنيطة بتاعته وكده

صدمني نظرة العالم لينا بهذا الشكل ... واستنيت رد فعل أ عمرو خالد لكن الرد الاولاني مارضانيش وماارضاش حد وحسيت انه مش عارف يعمل ايه بالظبط اويقول ايه ..؟

بعدين حصل موضوع المؤتمر وهنا فعلا قلت هو ده الصح والحمدلله المؤتمر كان ناجح بفضل المجموعة ومنها طبعا د طارق السويدان الشخص الجميل

كان اول رد فعل عاوز اعمله بعد المؤتمر ان عندي عمل اسمه الشهداء العشرة عمل كرتوني بيحكي قصة البطل خبيب بن عدي وبيبن حب الصحابة للرسول وللاسلام وايضا للسلام ..ومترجم باللغة الانجليزية كتابة لأني اشتركت بيه في مهرجان السينما بالامارات .. وحاول ت اني اقدر اوصله للتبادل الثقافي بين المسلمين وشباب الدنمارك اللي المفروض انه من نتائج المؤتمر .. بس للاسف حتي الان مقدرتش..

بعدها عملت كليب عمرو خالد رمز الجيل علي اغنية انا اسف رسول الله اعتبرتها لسان حالنا كلنا ( انا اسف انا غلطان انا اللي اتهنت ياسيدي ) للمنشد سمير الجمل ولأني اعتبرت عمرو خالد هو المعبر عن احساسنا في الوقت ده ..

وان شاء الله بعرضهولكم قريب

petit maryiam

10-01-2006, 11:08 PM

بارك الله فيك فعلا كان موقف صعب جدا على الأمة وما زال

أعداءنا يتربصون بنا و ما علينا الا ان نترصدهم دائما لرد أي اعتداء و هذا دليل على

صحوة الأمة و ليس مثل السابق كنا نهان و ديننا يهان و لا حياة لمن تنادي

*****

السؤال الثاني :

ما رأيك في السيد حسن نصر الله و وقفته من اجل لبنان و الدفاع عنها وكيف كرس كل الجهود في الجهاد بالرغم من وجود الكثير ممن هاجمه و لم يقف لنصرته

ما رأيك ؟؟ و ما تصورك ؟؟؟

وكيف ممكن تعبر عنها برؤيتك الفنية التقنية ؟؟؟

معلش اسئلتي دسمة :) رمضان كريم

فيصل الشناوي

10-01-2006, 11:22 PM

طبعا ونسيت اقول ان اجمل مافي الموضوع هو هذه الوحدة الجميلة التي جمعت بين كل المسلمين في الدنيا
بعا مع اعتراضي علي العنف اللي حصل

****

ما رأيك في اليد حسن نصر الله و وقفته من اجل لبنان و الدفاع عنها وكيف كرس كل الجهود في الجهاد بالرغم من وجود الكثير ممن هاجمه و لم يقف لنصرته
انا هاقول رايي الشخصي رغم اعجابي بشخصيته وموقفه والكاريزما اللي عنده وذكائه الا اني بصراحه شايف ان الدمار اللي حل بلبنان اكبر من النصر اللي حققه هو ..

صور الاطفال الميتين والبيوت المتهدمة كان صعب غلي قلبي ودم طفل واحد اغلي عندي من 2 جنود اسرائيلين ومن كل يهود الدنيا

ما رأيك ؟؟ و ما تصورك ؟؟؟

تصوري انها متحسبتش صح

وكيف ممكن تعبر عنها برؤيتك الفنية التقنية ؟؟؟

انا عبرت عن اللي حسيته وهو دماء لبنان وهي تنزف وعملت كليب اسمه قتلوا الشعب واظهرت فيه حسن نصر الله انه مش ارهابي .. واظهرت همجية اسرائيل وامريكا

معلش اسئلتي دسمة :) رمضان كريم

لا والله اسئلتك ممتعة جزاكي الله خير

petit maryiam

10-01-2006, 11:30 PM

أكيد انا سعيدة جدا بهذه الأسئلة و اجابة حضرتك و لكن عاوزه اوضح نقطة

و هي تذكر حضرتك حرب 67 و حرب 73

وكم الشهداء و الأرامل و اليتامى ..

هذا أمر حتمي و طبيعي و لابد من خسائر و الحمد لله خسائرنا نحن المسلمين كلها

دنيوية , بمعنى .. أن قتلانا في الجنة و قتلاهم في النار باءذن الله

وكل من قتل في هذه الحرب فهو شهيد برحمة الله عز وجل

هذه فقط النقطة حبيت اوضحها لحضرتك ,,و أحترم تقديرك للسيد حسن نصر الله

فهو بحق يستحق التقدير لشجاعته فهو رجل هذه الساعة

*****

وطبعا نحن متعطشون الى الكليب و ياريت تعرضه هنا في المنتدى

ليستفيد منه الكثيرين , بارك الله فيك

petit maryiam

10-01-2006, 11:32 PM

أستاذ فيصل

عفوا

آخر سؤال ومعلش يعني طولت عليك

ما نصيب الشباب في اعمالك ومشاكلهم و آللامهم و الصعاب التي يمروا بها

و بعد كده هنقولك اتفضل للسحور:)

فيصل الشناوي

10-01-2006, 11:46 PM

[
أكيد انا سعيدة جدا بهذه الأسئلة و اجابة حضرتك و لكن عاوزه اوضح نقطة]
و هي تذكر حضرتك حرب 67 و حرب
وكم الشهداء و الأرامل و اليتامى .
هذا أمر حتمي و طبيعي و لابد من خسائر و الحمد لله خسائرنا نحن المسلمين كلها]

دنيوية , بمعنى .. أن قتلاقنا في الجنة و قتلاهم في النار باءذن الله
]كل من قتل في هذه الحرب فه شهيد برحمة الله عز وجل
اكيد طبعا ويمكن الحاجه الكويسة هي انه اثبت للعالم ان اسرائل مش هلي الدولة التي لا تقهر زي ماحصل في حرب 73

وده كان هايكون ليه اثر طيب في المواجهات القادمة ان شاء الله

دوطبعا نحن متعطشون الى الكليب و ياريت تعرضه هنا في المنتدى د

يسعدني طبعا وهاعرضوا قريب جدا

فيصل الشناوي

10-01-2006, 11:52 PM

ما نصيب الشباب في اعمالك ومشاكلهم و آللامهم و الصعاب التي يمروا بها ؟

انا شاب ومريت بكل اللي بيمر بيه الشباب من الام وصعاب ولسه بمر

في المسرح معظم مسرحياتي كانت بتناقش قضايا الشباب من اول حرية الرأي لغاية حق العيش حيلة كريمة في وطننا

وعملت فيلمين ثري دي ( رسوم متحركة ) ضد التدخين وده للشباب برضه مواجهه التدخين بالفن

وحاليا بعمل عمل ثري دي عن شاب في لحظة بتمر بينا كلنا وهي لحظة الندم والالم والعودة لله

يارب يطلع كويس

و بعد كده هنقولك اتفضل للسحور

سحور كمان لا ده كتير قوي

كلكم كرم والله

علي فكرة انا سعيد بوجودي معاكم في المنتدي وبالناس الجميلة اللي رحبت بيا وكلمتني وشجعتني

جزاكم اللهه حير جميعا ويارب نقدر سوا كلنا مع بعض نقدم حاجه للأمة

petit maryiam

10-01-2006, 11:58 PM

http://www.s77.com/3DSmile/35/t-100.gif

أخي الكريم أستاذ // فيصل الشناوي

حقيقي أسعدتنا و نورتنا و كان لقاء شيق جدا و انا سعيدة بأفكارك و اعمالك

و نطلب منك عرضها علينا في القريب العاجل هنا في المنتدى

وكل سنة و حضرتك بخير يارب

و قريبا نهنئك بالزفاف السعيد و هانحتفل بك اكيد ان شاء الله في المنتدى

وحضرتك منور كل المنتدى و اهلا و سهلا بيك

http://www.s77.com/3DSmile/35/t-107.gif

petit maryiam

10-02-2006, 12:02 AM

http://www.s77.com/3DSmile/35/t-134.gif

أحبتي في الله

استمتعنا اليوم جدا في لقاءنا بالأستاذ فيصل الشناوي

و ان شاء الله

انتظرونا مع ضيف عزيز آخر

على مائدة الأفطار

وكل عام و انتم بخير

http://www.s77.com/3DSmile/35/t-099.gif

فيصل الشناوي

10-02-2006, 12:02 AM

شكرا لكي اختي د مريم اسعدتني بهذا اللقاء الجميل وبارك الله فيكي

وكانت فرصه كويسة ليا ا ن اعضاء المنتدي الكرام يعرفوني

وان شاء الله هابدء بعرض الاعمال تباعا ابتديت بكليب هنا فلسطين وان شاء الله بكره بعرض عمل اخر معكم حتي

اعرض لكم كل مانفذته حتي استفيد بارائكم وتعليقاتكم

جزاكم الله كل خير جميعا

(أخوكم في الله)

10-02-2006, 02:43 AM

السلام عليكم ورحمة الله وبركاته
------------------------
أختي في الله

زادك الله نجاحات وتوفيقا من عنده جل جلاله
واساله تعالى ان يكون هذا الموضوع خالصا لوجه الكريم

وتحية الى الضيف الاول .. اخي فيصل
واختي في الله .. اسيل

وفعلا محاورة ناجحة .. والحمد لله رب العالمين

فيصل الشناوي

10-02-2006, 12:05 PM

السلام عليكم ورحمة الله وبركاته
------------------------
أختي في الله

زادك الله نجاحات وتوفيقا من عنده جل جلاله
واساله تعالى ان يكون هذا الموضوع خالصا لوجه الكريم

وتحية الى الضيف الاول .. اخي فيصل
واختي في الله .. اسيل

وفعلا محاورة ناجحة .. والحمد لله رب العالمين

جزاك الله خيرا اخي العزيز

واحيي اختنا د مريم علي فكرتها الجميلة اللي خليتني اتكلم عن افكاري شويه وتخلينا نقرب من بعض اكتر ونشترك في

الهدف ان شاء الله العام لينا

ابنة الخنساء

10-24-2006, 06:07 AM

أختي الحبيبة ... حياك الله ... وعيدك سعيد ... وليتنا نتواصل من جديد ... فقد انشغلت الفترة الماضية ... وأرجو المعذرة ...
وأشكرك على حوارك الثري مع الأخ الكريم فيصل الشناوي وندعو له وللجميع بالتوفيق والحياة السعيدة بإذن الله ...

petit maryiam

11-02-2006, 12:25 AM

أختي الحبيبة ... حياك الله ... وعيدك سعيد ... وليتنا نتواصل من جديد ... فقد انشغلت الفترة الماضية ... وأرجو المعذرة ...
وأشكرك على حوارك الثري مع الأخ الكريم فيصل الشناوي وندعو له وللجميع بالتوفيق والحياة السعيدة بإذن الله ...

السلام عليكم و رحمة الله و بركاته

اختي الحبيبة / ميسون

أعتذر أعتذر و سامحيني على تأخير الرد

فعلا كنت مشغولة جدااا

سامحيني اختي و باءذن الله ننسق سويا و نلتقي في حب الله

و شكرا لكِ حبيبتي على ذوقك و انا اتشرف بزيارتك على المائدة :) :o

أحبك في الله

عامرالقلب

11-02-2006, 12:33 AM

أحبتي في الله

يشهد الله

أنني

أحبكم في الله

و

الله أكبر

.

ابنة الخنساء

11-02-2006, 04:30 AM

أشكرك أختي الحبيبة د مريم وأحبك الّذي أحببتني فيه ... وأنا أقدر انشغالك ( فالحال من بعضه ) ... وفقك الله وبارك بك ..

وأقول للأخ الكريم عامر أحبك الله الذي أحببت عباده فيه وليتسع صدرك لما ترى وتسمع فالناس طبائع .. والقلب الذي يسع الله يسع عباده ... فإن لم يسعهم فليقبل وجودهم لأن هذا هو حال الدنيا ... وأرى أن تعود إلى موقعك فالهروب والشكوى ليسا حلّاًً .... الحل بيدك حين تصرّ على الحقّ وتبتغي بذلك رضا الله ونفع عباده ...
هذا رأيي المتواضع أرجو أن يتسع صدرك له ... والسلام عليكم ...