تجربتي مع العمل التطوعي

[عابره سبيل]

السلام عليكم ورحمه الله وبركاته

اشلونكم يا العضاء المميزين ابصراحه اشتقت لكم وللمنتدى الي قطعني عن المنتدى اول شي الامتحانات وبعدها شاركت في عمل تطوعي لاول مره

والله اني لقيت ان العمل التطوعي وايد حلو ووناسه اول شي لاول مره احس نفسي موظفه:) شعور وايد حلو
وغير هذا اني اشتغل موعلشان افلوس بس علشان اثبت نفسي واحس اني قاعده انجز شي

واني بديت اشتغل بدال القعده والكلام الفاضي الي لا يودي ولاييب

وكوتن صداقه مع بنات وايد

بختصار تجربه وايد حلوه وانصح الكل ان يجربها لاني فعلا حسيت اني صانع الحياه واني قاعده اسوي شي لوجه الله


اختكم :عابره سبيل

[Mahawey]

السلام عليكم ورحمة الله وبركاته

حبيبتي عابرة سبيل .. حيااااااااااااااااج الله مره ثانية معانا ونورتي المنتدى اللي افتقد ابداعاتج ... انتظر نتايج امتحاناتج الحلوه ان شاالله :) بلغيني فيها انا اول شي .. قبل الكل ...

احسسسسسسسسسسسسسسنتي على العمل التطوعي بارك الله فيج حبيبتي والله الله ياجرج عليه ويبارك لك لج في صحتج ويعينج على فعل الخيرات حبيبتي مستقبلا ... فعلا العمل خير من عدمه فيه فوائد كثيرة أهمها إحساسج بوجودج وكيانج وبعدها تطويرج لنسج وقدراتج المختلفة ... ومنها بعد كسب المعرفة والصداقات المفيدة واللي اتقوي قدرة الإنسان على التعامل مع اكبر نسبة من الناس ..

أحيي فيج هذا العمل حيبيتي ..

وبانتظار مشاركاتج .. الحين ما عندج عذر مافي امتحانات ولا عمل :)

المحبة لكم جميعا مهاوي :) مشرفة المنتدى العام .

[amat allah]

السلام عليكم يا اختي عابرة سبيل
ما شا الله عليج العمل التطوعي شي جميل جدا
والواحد يحس انه قدم شي بلا مقابل الا ابتغاء رضى الله سبحانه و تعالى
المشكلة في بلادننا العربية مفهوم العمل التطوعي غير واضح
ونادر ما انحصل اشخاص يحبون العمل التطوعي.... في اسبانيا يوجد منظمه توزع الطعام على الفقراء فيها
تقريبا 3000 متتطوع ... و لا يوجد اي منظمه في بلدان العربية و الاسلاميه فيها اشخاص بهذا العدد و هذا الشي يحزنني:(
الله يكثر من امثالج و بارك الله يج
:) اختك امة الله

[keto_meto]

بارك الله فيكي يا اختنا و جزاكي الله كل خير
بس عندي تعليق بسيط العمل التطوعي وحده لا ينجز اي شيء ولاكن حاولي محاولات جاده في اثبات نفسك اكثر واكثر بجانب العمل التطوعي يارب تكون وصلت وجهه نظري يعني العمل الخاص بجانب العمل التطوعي
اخوكي كريم

[عابره سبيل]

السلام عليكم

شكرا على هذا التشجيع اختي مهاوي واختي امه الله واخي كريم

ان شاءالله يااختي مهاوي راح اتملين مني كثر مشاركاتي :) :)

مشكوره وايد اختي امه الله:d على هذا التشجيع في اول يوم لي في عمل التطوعي توقعت ان ما في وايد بنات يطوعون وخاصتا ان العطله قصيره والناس لاهيين في البر والطلعات بس لقيت العكس ان في وايد بنات ولا في بنات صالهم ثلاث اسنين وهم يشاركون في العمل التطوعي وهذا وايد يفرح

اخي كريم :d انا اتفق معاك بس احب اني ابدي بدايه بسيطه لين اكتسب خبره وعرف طبيعه الشغل وخاصه اني اول مره اشتغل ومشكور وايد على التشجيع

تحياتي:) اختكم عابره سبيل